Gopala-tapiny-upanisad

gopalapurva-tapiny-upanisad

shrimat-panca-padagaram

sa-visesatayojvalam

pratiyogi-vinirmuktam

nirvisesam harim bhaje

om bhadram karnebhir iti santih

gopala-tapanam krishnam

yajnavalkyam varahakam

satyayani hayagrivam

dattatreyam ca garudam

p 1.1

om krsir bhu-vacakah sabdo

nas ca nirvrti-vacakah

tayor aikyam param brahma

krishna ity abhidhiyate

om sac-cid-ananda-rupaya

krishnayaklista-karine

namo vedanta-vedyaya

gurave buddhi-saksine

om munayo ha vai brahmanam ucuh kah paramo devah kuto mrtyur bibheti

kasya vijnanenakhilam bhati kenedam visvam samsaratiti. tad u hovaca brahmanah shri-krsno vai paramam daivatam govindan mrtyur bibheti

gopi-jana-vallabha-jnanena taj jnatam bhavati svahedam samsaratiti. tad u hocuh kah krsno govindas ca ko 'sav iti gopi-jana-vallabhah kah ka svaheti tan uvaca brahmanah papa-karsano go-bhumi-deva-vidito vedita gopi-janavidya-kala-prerakah. tan-maya ceti sakalam param brahmaitad yo dhyayati rasati bhajati so 'mrto bhavati so 'mrto bhavatiti.

p 1.2

te hocuh kim tad-rupam kim rasanam katham vaho tad-bhajanam tat sarvam vividisatam akhyahiti. tad u hovaca hairanyo gopa-vesam abhrabham tarunam kalpa-drumashritam. tad iha sloka bhavanti

sat-pundarika-nayanam

meghabham vaidyutambaram

dvi-bhujam jnana-mudradhyam

vana-malinam isvaram

gopa-gopanganavitam

saura-druma-talashritam

divyalankaranopetam

ratna-pankaja-madhya-gam

kalindi-jala-kallola-

sangi-maruta-sevitam

cintayams cetasa krishnam

mukto bhavati samrteh

iti. tasya puna rasana-bhajana-bhumindu-sampatah kamadi krishnayety ekam pada govindayeti dvitiyam gopi-janeti trtiyam vallabhayeti turiyam svaheti pancamam iti panca-padim prajapan pancangam dyav-abhumi surya-candramasau sagni tad-rupataya brahma sampadyate brahma sampadyata iti.

p 1.3

tad esa slokah

klim ity evadav adaya

krishnaya yogam govindayota ca

gopi-jana-vallabhaya brhad ghanam syamam ta apy uccared yo gatis tasyasti manksu nanya gatih syad iti bhaktir asya bhajanam tad ihamutropadhi-nairasyenaivamusmin manah-kalpanam etad eva ca naiskarmyam krishnam santam vipra bahudha yajanti govindam santam bahudha rasanti gopi-jana-vallabho bhuvanani dadhre svahashrito jagad aijayat suretah

vayur yathaiko bhuvanam pratistho

janye janye panca-rupo babhuva

krishnas tathaiko 'pi jagad-dhitartham

sabdenasau panca-pado vibhatiti

p 1.4

te hocur upasanam etasaya paramatmano govindasyakhiladharino bruhiti. tan uvaca brahma yat tasya pitham hairanyam asta-palasam ambujam tad-antaralikanalastra-yugam tad-anratadyarnam vilikhita krishnaya. nama iti bijadhyam sa brahmanam adhayanangam anu gayatrim yathavad vyasajya bhu-mandalam mula-vestitam krtvanga-vasudevadi-rukminy-adi-sva-saktindradi-vasudevadi-parthadi-nidhyavitam yajet sandhyasu pratipattibhir upacaras tenasyakhilam bhavaty akhilam bhavatiti.

p 1.5

tad iha sloka bhavanti

eko vasi sarva-gah krishna idya

eko 'pi san bahudha yo vibhati

tam pitha-stham ye 'nubhajanti dhiras

tesam sukham sasvatam netaresam

nityo nityanam cetanas cetananam

eko bahunam yo vidadhati kaman

tam pitha-gam ye 'nuyajanti vipras

tesam siddhih sasvati netaresam

etad visnoh param padam ye

nityodyuktah samyajante na kamat

tesam asau gopa-rupah prayatnat

prakasayed atma-padam tadaiva

yo brahmanam vidadhati purvam

yo vidyas tasmai gapayati sma krishnah

tam ha devam atma-vrtti-prakasam

mumuksur vai saranam amum vrajet

om-karenantaritam yo japati

govindasya panca-padam manum tam

tasyaivasau darsayed atma-rupam

tasman mumuksur abhyasen nitya-santyai

etasmad anye panca-padad abhuvan

govindasya manavo manavanam

dasarnadyas te 'pi sankrandanadyair

abhyasyante bhuti-kamair yathavat

tad etasya sva-rupartham vaca vedayeti te papracchus tad u hovaca brahmanah, anavaratam maya dhyatas tatah parardhante so 'budhyata gopa-veso me purastad avirbabhuva tatah pranato maya, anukulena hrda mahyam astadasarnam svarupam srstaye dattvantarhitah punah sisrksa me pradurabhut tesv aksaresu bhavisyaj jagad-rupam prakasayams tad aha tad aha.

p 1.6

anukulena hrda mahyam astadasarnam svarupam srstaye dattvantarhita iti. akasad apo jalat prthvi tato 'gnir bindor induh, tat-sampatad arkah. iti klim-karad akasam khad vayur ity-uttarat surabhi-vidyah pradurakarsam tad-uttarat tu stri-pumadi ca, idam sakalam idam sakalam.

p 1.7

etasyaiva yajanena candra-dhvajo gata-moham atmanam vedayitvom-karantaralikam manum avartayan sanga-rahito 'tyapatat. tad visnoh paramam padam sada pasyanti surayah. diviva caksur atatam. tasmad etan nityam abhyasen nityam abhyased iti.

p 1.8

tad ahur eke yasya prathama-padad bhumir dvitiya-padaj jalam trtiya-padat tejas caturthad vayus caramad vyometi vaishnavam panca-vyahrtim ayam mantram krishnavabhasam kaivalya-srtyai satatam avartayed iti. tad atra gathah

yasya purva-padad bhumir

dvitiyat salalilodbhavah

trtiyat teja udbhutam

caturthad gandha-vahanah

pancamad ambarotpattis

tam evaikam samabhyased

candra-dhvajo 'gamad visnoh

paramam padam avyayam

tato visuddham vimalam visokam

asesa-lomadi-nirasta-sangam

yat tat padam panca-padam tad eva

sa vasudevo na yato 'nyad asti

tam ekam govindam sac-cid-ananda-vigraham panca-padam vrndavane sura-bhu-ruha-talasinam satatam sa-marud-gano 'ham paramaya stutya tosayami.

p 2. 1

om namo visva-rupaya

visva-sthity-anta-hetave

visvesvaraya visvaya

govindaya namo namah

p 2.2

namo vijnana-rupaya

paramananda-rupine

krishnaya gopi-nathaya

govindaya namo namah

p 2.3

namah kamala-netraya

namah kamala-maline

namah-kamala-nabhaya

kamala-pataye namah

p 2.4

barhapidabhiramaya

ramayakuntha-medhase

rama-manasa-hamsaya

govindaya namo namah

p 2.5

kamsa-vamsa-vinasaya

kesi-canura-ghatine

vrsabha-dhvaja-vandyaya

partha-sarathaye namah

p 2.6

venu-vadana-silaya

gopalayahi-mardane

kalindi-kula-lolaya

lola-kundala-dharine

p 2.7

ballavi-nayanambhoja-

maline nrtya-saline

namah pranata-palaya

shri-krishnaya namo namah

p 2.8

namah papa-pranasaya

govardhana-dharaya ca

putana-jivitantaya

trnavartasurarine

p 2.9

niskalaya vimohaya

suddhayasuddha-varine

advitiyaya mahate

shri-krishnaya namo namah

p 2.10

prasida paramananda

prasida paramesvara

adhi-vyadhi-bhujangena

dastam mam uddhara prabho

p 2.11

shri-krishna rukmini-kanta

gopi-jana-manohara

samsara-sagare magnam

mam uddhara jagad-guro

p 2.12

kesava kesa-harana

narayana janardana

govinda paramananda

mam samuddhara madhava

p 2.13

atha haivam stutibhir aradhayami te yuyam tatha panca-padam japantah shri-krishnam dhyayantah samsrtim tarisyatheti sa hovaca hairanyah. amum panca-padam mantram avartayed yah sa yaty anayasatah kevalam tat. anejad ekam manaso javiyo naitad deva apnuvan purvam arsad iti. tasmat krishna eva paro devas tam dhyayet tam raset tam bhajet tam bhajed ity om tat sad iti.

om bhadram karnebhir iti santih.

Gopalottara-tapiny-upanisat

om sac-cid-ananda-rupaya

krishnayaklista-karine

namo vedanta-vedyaya

gurave buddhi-saksine

om bhadram karnebhir iti santih.

u 1

om ekada hi vraja-striyah sa-kamah sarvarim usitva sarvesvaram gopalam krishnam hi ta ucire. uvaca tah krishna-manuh kasmai brahmanaya bhaiksam datavyam bhavati durvasaseti. katham yasyamo 'tirtva jalam yamunayah, yatah sreyo bhavati krsneti krsno brahma-carity uktva margam vo dasyaty uttana bhavati yam mam smrtva, agadha gadha bhavati yam mam smrtva, aputah puto bhavati yam mam smrtvavrati vrati bhavati yam mam smrtva, niskamah sa-kamo bhavati yam mam smrtva, asrotriyah srotriyo bhavati yam mam smrtva srutva tad-vacam ha vai smrtva tad-vakyena tirtva tam sauryam hi vai gatvasramam punya-tamam natva muni-srestha-tamam hi raudram seti dattvasmai brahmanaya ksira-mayam ghrta-mayam mista-tamam hi va ista-tamah sa tustah snatva bhuktvasisam prayojyajna-madat katham yasyamo 'tirtva sauryam, sa hovava munir durvasinam mam smrtva vo dasyatiti margam. tasam madhye srestha gandharvi hovaca sahaivaitabhir evam vicarya katham krsno brahma-cari, katham durvasino munis tam hi mukhyam vidhaya purvam anu krtva tusnim asuh. sabda-van akasah sabdakasabhyam bhinnas tasminn akase tisthaty akasas tam na veda sa hy atmaham katham bhokta bhavami.

u 2

sparsa-van vayuh sparsa-vayubhyam bhinnas tasmin vayau tisthati vayur na veda tam sa hy atmaham katham bhokta bhavami rupa-vad idam tejo rupagnibhyam bhinnas tasminn agnau tisthaty agnir na veda tam hi sa hyatmaham katham bhokta bhavami.

u 3

rasa-vatya apo rasadbhyo bhinnas tasv apsu tisthati. apo na vidus tam hi sa hy atmaham katham bhokta bhavami.

u 4

gandha-vati bhumir gandha-bhumibhyam bhinnas tasyam bhumau tisthati bhumir na veda tam hi sa hy atmaham katham bhokta bhavami.

u 5

idam hi manas tesv evam hi manute tan idam grhnati. yatra hi sarvam atmaivabhut tatra va kutra manute kva va gacchatiti sa hy atmaham katham bhokta bhavami.

u 6

ayam hi krsno yo vo hi presthah sarira-dvaya-karanam bhavati dvau suparnau bhavato brahmano 'msa-bhutas tathetaro bhokta bhavati. anyo hi saksi bhavatiti.

u 7

vrksa-dharme tau tisthato 'bhoktr-bhoktarau purvo hi bhokta bhavati. tathetaro 'bhokta krsno bhavatiti yatra vidyavidye na vidamo vidyavidyabhyam bhinno vidya-mayo yah sa katham visayi bhavatiti.

u 8

yo hi vai kamena kaman kamayate sa kami bhavati yo hi va tv akamena kaman na kamayate so 'kami bhavatiti. janma-jarabhyam bhinnah sthanur ayam acchedyo 'yam. yo 'sau surye tisthati yo 'sau gosu tisthati yo 'sau gopan palayati yo 'sau gopesu tisthati yo 'sau sarvesu devesu tisthati yo 'sau sarvair vedair giyate yo 'sau sarvesu bhutesv avisya tisthati bhutani ca vidadhati sa vo hi svami bhavatiti.

u 9

sa hovaca gandarvi katham vasya mantrah kim vasya sthanam katham va devakyam jatah ko vasya jyayan ramo bhavati kidrsi pujasya gopalasya bhavati saksat prakrti-parayor ayam atma gopalah katham avatirno bhumyam hi vai.

u 10

sa hovaca tam hi va eko hi vai purtam narayano devo yasmil+ loka otas ca protas ca tasya hrt-padmaj jato 'bja-yonih. sa pita tasmai ha varam dadau. sa kama-prasnam eva vavre. tam hasmai dadau sa hovacabja-yonir avataranam madhye srestho 'vatarah ko bhavati yena lokas tusta devas tusta bhavanti yam smrtva va mukta asmat samsarad bhavanti katham vasyavatarasya brahmata bhavati.

u 11

sa hovaca tam hi narayano devah sa-kamya meroh srnge yatha sapta puryo bhavanti tatha hi niskamyah sa-kamyas ca bhu-loka-cakre sapta puryo bhavanti tasam madhye saksad brahma gopala-puri hiti sa-kamya niskamya ca devanam sarvesam bhutanam ca bhavati.

u 12

yatha hi vai sarasi padmam tisthati tatha bhumyam hi tisthatiti. cakrena raksita hi vai madhura tasmad gopala-puri hi bhavatiti. brhad brhad vanam madhor madhu-vanam talas tala-vanam kamyah kama-vanam bahulo bahula-vanam kumudah kumuda-vanam khadirah khadira-vanam bhadro bhadra-vanam bhandira iti bhandira-vanam shri-vanam loha-vanam vrndaya vrnda-vanam etair avrta puri bhavati.

u 13

tatra tesv evam gahanesv eva deva manusya gandharva nagah kinnara gayantiti nrtyantiti tatra dvadasaditya ekadasa rudra astau vasavah sapta munayo brahma naradas ca panca vinayaka viresvaro rudresvaro 'mbikesvaro ganesvaro nila-kantha-visvesvaro gopalesvaro bhadresvara etad-adyani lingani catur-vimsatir bhavanti. dve vane stah krishna-vanam bhadra-vanam tayor antar dvadasa vanani punyani punya-tamani tesv eva devas tisthanti siddhah siddhim praptas tatra hi ramasya rama murtih pradyumnasya pradyumna-murtir aniruddhasyaniruddha-murtih krishnasya krishna-murtir vanesv eva madhurasv eva dvadasa murtayo bhavanti.

u 14

ekam hi rudra yajanti dvitiyam hi brahma yajati trtiyam hi brahma-ja yajanti caturthim maruto yajanti pancamim vinayaka yajanti sasthim vasavo yajanti saptamim rsayo yajanty astamim gandharva yajanti navamim apsaraso yajanti dasami hi divo 'ntardhane tisthaty ekadarayantariksa-padam gata dvadasi tu bhumyam tisthati ta hi ye jayanti te mrtyum taranti muktim labhante garbha-janma-jara-marana-tapa-trayatmakam duhkham taranti.

u 15

prathamam madhuram ramyam

sada brahmadi-sevitam

sankha-cakra-gada-sarnga-

raksitam musaladibhih

atrasau samsthitah krishnas

tribhih saktya samahitah

ramaniruddha-pradyumnai

rukminya sahito vibhuh

catuh-sabdo bhaved eko

hy om-karah samudahrtah

tasmad eva paro rajasa iti so 'ham ity avadharya gopalo 'ham iti bhavayet. sa moksam asnute sa brahmatvam adhigacchati sa brahma-vid bhavati gopan jivan va atmatvenasrsti-paryantam alati sa gopalo bhavati hy om tad yat tat sat param brahma krishnatmako nityanandaika-rupah so 'ham. om tad gopala-deva eva param satyam abadhitam so 'ham ity atmanam adaya manasaikyam kuryat, atmano gopalo 'ham iti bhavayet sa evavyakto 'ntato nityo gopalah. madhurayam sthitir brahman sarvada me bhavisyati. sankha-cakra-gada-padma-vana-malavrtas tu vai.

cit svarupam param jyotih

svarupam rupa-varjitam

sada mam samsaran brahman

mat-padam yati niscitam

madhura-mandale yas tu

jambu-dvipa-sthito 'pi va

yo 'rcayet pratimam pritya

sa me pritya-taro bhuvi

u 16

tasyam adhisthitah krishna-

rupi pujyas tvaya sada

caturdha casyadhikari-

bhedatvena yajanti mam

yuganuvartino loka

yajantiha sumedhasah

gopalam sanujam ramam

rukminya saha tat param

gopalam sanujam ramam

rukminya saha tat param

gopalo 'ham ajo nityah

pradyumno 'ham sanatanah

ramo 'ham hy aniruddho 'ham

atmanam arcayed budhah

mayoktena sva-dharmena

niskamena vibhagasah

tair ayam pujaniyo vai

bhadra-krsno nivasibhih

tad-dharma-gati-hina ye

tasyam mayi parayanah

kalina grasita ye vai

tesam tasyam avasthitih

yatha tvam saha putrais tu

yatha rudro ganaih saha

yatha shriyabhiyukto 'ham

tatha bhakto mama priyah

u 17

sa hovacabja-yonis caturbhir devaih katham eko devah syat. ekam aksaram yad visrutam hy anekaksaram katham bhutam sa hovaca. tam hi vai purvam hy ekam evadvitiyam brahmasit tasmad avyaktam vyaktam evaksaram tasmad aksaran mahan mahato va ahankaras tasmad evahankarat panca tan-matrani tebhyo bhutani tair avrtam aksaram bhavati. aksaro 'ham om-karo 'ham ajaro 'bhayo 'mrto brahmabhayam hi vai sa mukto 'ham asmy aksaro 'ham asmi.

satta-matram visva-rupam

prakasam vyapakam tatha

ekam evadvayam brahma

mayaya tu catustayam

rohini-tanayo ramo

akaraksara-sambhavah

taijasatmakah pradyumna

ukaraksara-sambhavah

prajnatmako 'niruddho vai

ma-karaksara-sambhavah

ardha-matratmakah krsno

yasmin visvam pratisthitam

krishnatmika jagat-kartri

mula-prakrti-rukmini

vraja-stri-jana-sambhutah

srutibhyo brahma-sangatah

pranavena prakrtitvam

vadanti brahma-vadinah

tasmad om-kara-sambhuto

gopalo visva-samsthitih

klim om-karam ca ekatvam

pathyate brahma-vadibhih

madhurayam visesena

mam dhyayan moksam asnute

asta-patram vikasitam

hrt-padmam tatra samsthitam

divya-dhvajatapatrais tu

cihnitam carana-dvayam

shrivatsa-lanchanam hrt-stham

kaustubham prabhavayutam

catur-bhujam sankha-cakra-

sarnga-padma-gadanvitam

su-keyuranvitam bahum

kantham mala-sulobhitam

dyumat-kiritam abhayam

sphuran-makara-kundalam

hiranmayam saumya-tanum

sva-bhaktayabhaya-pradam

dhyayen manasi mam nityam

venu-srnga-dharam tu va

mathyate tu jagat sarvam

brahma-jnanena yena va

tat-sarva-bhutam yad yasyam

mathura sa nigadyate

asta-dik-palibhir bhumi-

padmam vikasitam jagat

samsararnava-sanjatam

sevitam sama-manasaih

candra-suryambaraucitya

dhvajo merur hiranmayah

atapatram brahma-lokam

mamordhva-caranah smrtam

shrivatsam ca svarupam ca

vartate lanchanaih saha

shrivatsa-lanchanam tasmat

kathyate brahma-vadibhih

yena suryagni-vak-candra-

tejasa sva-svarupina

vartate kaustubha-manim

tam vadantisa-maninah

sattvam rajas tama iti

ahankaras catur-vidhah

panca-bhutatmakah sankhah

paro rajasi samsthitah

cala-svarupam atyantam

manas cakram nigadyate

atma maya bhavec charngam

padmam visvam kare sthitam

adya vidya gada vedya

sarvada me kare shrita

dharmartha-kama-keyurair

divyair nityam avaritaih

kantham ti nirgunam proktam

malyate mayayajaya

mala nigadyate brahmams

tava putrais tu manasaih

kuta-sthasya svarupam ca

kiritam pravadanti mam

aksarottamam prasphurat tat

kundalam yugu(?)lam smrtam

dhyayen mama priyo nityam

sa moksam adhigacchati

sa mukto bhavati tasmai

ca atmanam dadamiti

etat sarvam bhavisyati

maya proktam vidhe tava

svarupam dvi-vidham caiva

sa-gunam nirgunam tatha

u 18

sa hovacabja-yonir vyaktanam murtinam proktanam katham vavadharana bhavanti katham va deva yajanti rudra yajanti brahma yajanti vinayaka yajanti dvadasaditya yajanti vasavo yajanty apsaraso yajanti gandharva yajanti sva-padam gatantardhane tisthati kam manusya yajanti. sa hovaca tam tu ha vai narayano devah. adya avyakta dvadasa murtayah sarvesu lokesu sarvesu devesu sarvesu manusyesu tisthati rudresu raudri brahmany eva brahmi devesu daivi manasesu manasi vinayake vighna-nasiny adityesu jyotir gandharvesu gandharvy apsarahsv evam gaur vasusv evam kamy antardhane prakasana avirbhava tirobhava kevala tu sva-pade tisthati tamasi sattviki rajasi manusi vijnana-ghana ananda-ghanah sac-cid-anandaika-rase bhakti-yoge tisthati.

u 19.1

om tam pranatmane tam tat sad bhur bhuvah svas tasmai pranatmane namo namah.

u 19.2

om tam krishnaya govindaya gopi-jana-vallabhaya tam tat sad bhur bhuvah svas tasmai vai namo namah.

u 19.3

om tam apanatmane tam tat sad bhur bhuvah svas tasma apanatmane namo namah.

u 19.4

om tam krishnaya pradyumnayaniruddhaya tam tat sad bhur bhuvah svas tasmai vai namo namah.

u 19.5

om tam vyanatmane tam tat sad bhur bhuvah svas tasmai vai namo namah.

u 19.6

om tam krishnaya ramaya tam tat sad bhur bhuvah svas tasmai vai namo namah.

u 19.7

om tam udanatmane tam tat sad bhur bhuvah svas tasma udanatmane namo namah.

u 19.8

om tam krishnaya devaki-nandanaya tam tat sad bhur bhuvah svas tasmai vai namo namah.

u 19.9

om tam samanatmane tam tat sad bhur bhuvah svas tasmai samanatmane namo namah.

u 19.10

om tam gopalaya nija-svarupaya tam tat sad bhur bhuvah svas tasmai vai namo namah.

u 19.11

om tam yo 'sau preyan atma gopalah tam tat sad bhur bhuvah svas tasmai vai namo namah.

u 19.12

om tam yo 'sav indriyatma gopalah tam tat sad bhur bhuvah svas tasmai vai namo namah.

u 19.13

om tam yo 'sau bhutatma gopalah tam tat sad bhur bhuvah svas tasmai vai namo namah.

u 19.14

om tam yo 'sav uttama-puruso gopalah tam tat sad bhur bhuvah svas tasmai vai namo namah.

u 19.15

om tam yo 'sau sarva-bhutatma gopalah tam tat sad bhur bhuvah svas tasmai vai namo namah.

u 19.16

om tam yo 'sau jagrat-svapna-susuptim atitya turyatito gopalah tam tat sad bhur bhuvah svas tasmai vai namo namah.

u 19.17

eko devah sarva-bhutesu gudhah

sarva-vyapi sarva-bhutantar-atma

karmadhyaksah sarva-bhutadhivasah

saksi ceta kevalo nirgunas ca

rudraya nama adityaya namo vinayakaya namah suryaya namo vidyayai namah. indraya namo 'gnaye namah pitre namo nirrtaye namo varunaya namo marute namah kuveraya nama isanaya namo brahmane namah sarvebhyo devebhyo namah.

dattva stutim punya-tamam

brahmane sva-svarupine

kartrtvam sarva-lokanam

antardhane babhuva sah

brahmano brahma-putrebhyo

naradat tu srutam yatha

tatha proktam tu gandharvi

tvam svalayantikam gaccha tvam svalayantikam iti

om saha nav avatv iti santih.